المشاركات
فجأة تلاقى عمرك بيخلص
تتعب
تتعب
تبص عالوقت اللى فات
تشوف مين لساه مكمل
مين اللى فارقك
ومين اللى مات
تحسب سنين الوقت اللى عدَّى
وتفتكر ساعتها كل الحاجات
اللى كان نفسك ف يوم تحققها
بس راحت من سكات
وغيرها مكنتش عامل حسابها
والباقى صفحة فى ذكريات
فتتنهد وتسكت شوية
وتسأل تدور على إجابات
ل "ليه" و"امتى" و"مش بس لو"
وناسى إن بكرة بعده آت
-سلمى عبدالوهاب-
ليست هناك تعليقات:
إرسال تعليق