ابتسامتها

ويسألوها عن سر ابتسامتها
ترد تقول مفيش حاجة

وعينها تزوغ 
تشوف يمكن يكون موجود
لحد ما ييجى ويسلم
فتقوم وتمد له إيدها
ويقف ساعة يتكلم

وعنيها من الخجل تلمع
وخدودها تصبح بلون الورد
قلبها يرقص من الفرحة
وهو لساه بيتكلم
وهى لسة خايفة ترد

فيضحك ضحكة ويسألها
مالك ؟ متبرجلة كدة ليه
تقوم بصَّاله مليش, عادى
فيضحك ويقوللها ماشى

ويسكت هو فتتكلم
وبعديها يمشى ويسلم

فتفتكر الكلام بينهم
تروح ضاحكة بصوت عالى
فيسألوها عن سر ضحكتها
ترد تقول مفيش, مالى ؟

#سلمى_عبدالوهاب