المشاركات
عن القصة
اللى كان نفسك فى يوم تكمل
وما كملتش
اللى كان نفسك فى يوم تكمل
وما كملتش
والرواية اللى شلتها ع الرف
وما خلصتش
وما خلصتش
عن الأحلام
وكل حاجة اتمنيتها
وما حصلتش
وكل حاجة اتمنيتها
وما حصلتش
عن الناس اللى باعوا
والدنيا كملت مشى عادى
وما وقفتش
والدنيا كملت مشى عادى
وما وقفتش
عن الحاجات اللى باظت
والحاجات اللى ضاعت
عن كل مرة زعلت فيها
وقلت الفرحة وحشانى
عن كل مرة قلت فيها يا رب
الدنيا ليه معاندانى
وجه بعديها حاجات احسن
أتارى اللى فات كان اصلاً
مجرد بداية للحدوتة
وقصتك شوية شخبطة فى النوتة
أحداثها لسة بتترسم
وماتكتبتش.
أتارى اللى فات كان اصلاً
مجرد بداية للحدوتة
وقصتك شوية شخبطة فى النوتة
أحداثها لسة بتترسم
وماتكتبتش.
-سلمى عبدالوهاب-
ليست هناك تعليقات:
إرسال تعليق